蔡國威歸位再戰六合彩：靚仔咗有番心跳

藝人蔡國威近日再現身無綫主持《六合彩》，他晚上出席電影首映禮時笑言是神迹：「因為我真係冇諗過咁短時間可以做番，我自己都好amazing（驚人），係大家畀機會我主持《六合彩》啫！大家畀面啦！」

他表示今次主持的形式會較為輕鬆，公司安排設計師為他設計衣服及襯衫：「我以前幾套衫就搞掂，依家試咗十幾套衫。以前啲褲腳蓋到底，今次全部揀晒吊腳褲畀我，有型好多。」

無懼被定型

問再次成為「六合彩之子」有否緊張，蔡國威笑說：「有！我終於做番正常人，有番心跳。嗰晚做完心跳加速咗，知道正常番。（家人朋友有乜評語？）個個都話係好事，但分別唔大，重點係型咗，連我自己都覺得靚仔咗。」

至於會否多做主持工作？他期待公司安排：「我唔希望做番《六合彩》主持就停拍劇集。依家觀眾好識分，唔會因為我做《六合彩》定咗型，而覺得我拍劇唔好睇。」他還透露昨晚客串陳煒主演的劇集《果欄中的江湖大嫂》一場戲。