同仔仔好甜蜜　唐寧與前夫仍有聯絡

早前宣布與鄧偉傑離婚嘅藝人唐寧與王梓軒出席「生態捍衛戰2017」起步禮，對於早前拍到與疑似新歡約會，她否認戀情謂：「係普通朋友，出街唔係同男仔就係女仔啦！一陣我同梓軒一齊走，畀人影相都可以話我哋着埋情侶裝添。（依家感情狀況？）同個仔相處得好好，好甜蜜，特別佢升小一後感覺好唔同。（同前夫有冇聯絡？）都有，佢都會知小朋友近況。」