另一半唔要圈中人　楊埕單身唔恨拍拖

藝人楊埕昨晚（28日）出席萬聖節派對，她一身綠色樹精打扮，自行上網購買衫，造型全部自己一手一腳設計，笑言：「整個裝扮唔使1000蚊，造型都幾出眾吓，我覺得自己幾襯個尖耳仔，仲有個尖牙，可惜攞唔到最佳造型獎。其實同我一齊去嘅化妝師都好勁，佢個造型好似個面向上移位咁，好厲害，望住佢塊面，睇耐啲都會頭暈。」她說很喜歡去萬聖節派對，覺得一年只有一兩天慶祝，可以扮到平時不同的造型，代入故事人物的角色，感覺好玩。

現時單身的她，表示感情空白，但揚言不想拍拖，她說：「依家拍緊《創世紀》，之後又會拍《兄弟》，覺得TVB好鍚我，畀好多機會我，我覺得拍拖會影響工作，自己一拍拖就分心，所以都係單身好啲，同埋單身唔使同人交代。」她說將來若拍拖也不會選圈中人。