冇預料吳綺莉報警！卓林認返過屋企拎嘢

藝人吳綺莉（Elaine）今晨報警，指其跑馬地寓所有一批合計約17萬的財物不翼而飛，包括2隻價值約7萬元的戒指及2支價值合共約10萬元的結他。單位沒有被撬毀痕迹，警方暫時將案件列作盜竊案，不排除閉門失竊。而吳綺莉女兒吳卓林早前搬到北角與女友同居，吳綺莉稱暫時仍未能與女兒聯絡。

約下午二時許，卓林與女友以隨性打扮離開北角寓所，一度在北角港鐵站附近逗留陪女友煲煙，然後二人到港鐵站內櫃員機提款後，乘港鐵到灣仔站前一家找換店。

記者上前追問母親吳綺莉報案一事，卓林不願多作回應，在找換店前逗留一段時間後，她與女友經過討論後，突然主動回應：「你哋想知乜事？OK，我同我媽講好，要嚟拎番啲衫同嘢，但我去到佢又唔喺度，嚟緊我要出trip，所以要拎番幾件衫，咁我就入咗屋。我有佢畀嘅鎖匙，門鎖亦都冇換，咁我除咗拎衫之外，仲拎咗結他，因為我冇結他，有嘢我係拎咗。我有同佢講番係冇問題，如果有嘢要拎番，我可以話佢知，點知佢會去報警！我都有問佢幾時返（屋企），因為我有事同佢傾，點知我突然收到電話，話報咗警，心諗報乜警？（媽咪搵你？）係警察打嚟！佢（吳綺莉）冇搵我。」問到有否攞過手錶（應為戒指）？卓林回答：「我冇攞過任何嘢。」

回應完記者問題後，卓林與女友便進入了一間餐廳，之後兩人失去蹤影，成功撇甩記者。