陳嘉寶結婚　陳凱琳要兄弟扮美少女戰士

陳凱琳出席品牌活動，穿上透視露背裝，輕露線頭。問到是否真空？她表示因露背而用了nude bra，感覺靚啲，而且做了保護措施，不怕走光，除非有怪風。提到陳嘉寶下月結婚，她將會擔任姊妹：「我人生第一次做姊妹，有問佢有咩幫手，有咩任務，佢話自己處理到冇乜嘢要幫手。（任務係咪玩兄弟？）係，之前佢婚前派對我哋着過美少女戰士嘅衫，唔會扔，到時叫兄弟着，黃色假髮留番畀新郎，到時影張相作對比。（今次取經為將來結婚準備？）小小啦，睇吓有咩要早啲準備都想學習吓。」