透視裙晒心口 陳瀅爆王敏奕年尾結婚

20171031
東網電視
更多新聞短片
陳瀅大爆料呀!
陳嘉寶(Anjaylia)、陳瀅及王敏奕出席品牌活動,三人與其他姊妹昨晚開派對,並指好開心,因為今日一齊做嘢,但可惜陳凱琳昨晚未能出席。問到有什麼要慶祝?陳瀅口快快爆王敏奕年尾結婚:「我啱啱過咗生日,王敏奕年尾...結婚,呀,唔係呀,講錯,係Anjaylia結婚,王敏奕係1月1日生日。(爆料?)講錯,未瞓醒。」而王敏奕即時一臉愕然表示:「只係生日,死喇,有排解釋。」
賴慰玲隨時生得
提到王敏奕與黃宗澤合作拍網劇《飛虎極戰》傳緋聞?她表示:「係,冇人會信,唔使解釋,當日係煞科去咗佢度食飯,有糖妹同陳瀅,完咗搭車返屋企,冇飲到好醉。(ready結婚?)拍多啲戲先。(同男友曾國祥感情點?)非常好,羨煞旁人。」眾人更大爆好友賴慰玲隨時生得。
開到口恨拍拖
問到Anjaylia會扔花球畀邊個?她表示不用扔給王敏奕,因為已經有拖拍。身為姊妹的陳瀅表示自己連男友都無,叫大家唔好同佢爭花球:「Anjaylia話會留兄弟團中最靚仔嗰個畀我。」Anjaylia表示:「係呀,有兄弟放題,迴轉壽司。」