《使徒2》演技被批　翠如想上堂學戲

藝人黃翠如出席腕錶活動，她表示想放短假去旅行，但未諗定幾時放。問到會否怕再被傳結婚？她說：「唔驚，都傳到生仔，我想去上課程，學做戲、跳舞同陶瓷。（同男友蕭正楠一齊？）佢要開工，自己去玩。」

努力改善聲線

提到於《使徒行者2》中的演技被批評而去學戲？她坦言：「與批評無關，努力係必須。（唔開心？）每個人都有意見，我有睇（評論），要睇自己有冇進步，監製同對手都好支持我。」講到佘詩曼都撐她，翠如表示會繼續努力，她透露有人指她聲線不太好，需要練習。她稱好多人支持自己，有幕前幕後，好感動。

男友做後盾

問到會否做主持會更得心應手？翠如表示做了8年旅遊節目：「我唔係聰明人，讀書都要努力溫習，做8年先得心應手，拍到第8、9套劇，要再努力啲，會謙卑。」問到男友有否鼓勵？她說：「佢係我好大後盾。（點氹你？）佢用佢方法會令我開心，Keep住做緊。」