揪出黑警！蔡思貝自保屈陳凱琳內疚爆喊

無綫向來積極炮製新節目，近日便花數百萬製作費到泰國拍攝綜藝戲劇真人騷《使徒行者 臥底遊戲》。顧名思義，節目集合劇集《使徒行者2》元素追尋黑警，由八位嫌疑警察黃翠如、洪永城、陳凱琳、蔡思貝、麥美恩、楊潮凱、余德丞及林盛斌透過真人騷遊戲，抽絲剝繭找出「黑警」，而當中的黑警既要搞破壞，又要掩飾身份，鬥智鬥力兼考驗友誼與信任。

「苦肉計」掩飾身份

節目一開始便披露蔡思貝是黑警，故她在第一項任務已使出「苦肉計」掩飾身份，遊戲要八人一起用雙腳托起冰水盆，再為身旁拍檔脫襪，蔡思貝先捱一盆冰水照頭淋博取信任。眾人於第二項任務要戴上牙膠，露出牙肉展現醜怪搞笑樣，口齒不清地接龍傳遞指令。而陳凱琳竟將簡單口令講錯，成為眾矢之的，惹人懷疑！第三項任務是尋找目標女學生，麥美恩行動失敗接受懲罰被潑水，認真慘情！

豁出去戴牙膠扮醜

最後眾人激辯投票揪出黑警，友情大考驗，「賊喊捉賊」的蔡思貝揀了陳凱琳，但卻內疚爆喊：「監製搵我做黑警，內心好多掙扎，自己又驚、又心虛、又驚呃唔到人，呃到人又驚畀觀眾鬧。」蔡思貝更因「出賣」好姊妹而泣不成聲：「要呃自己唔係黑警先做得似，揀咗陳凱琳又好唔忍心，好似出賣咗好姊妹咁，感覺好複雜。不過，經過呢七日拍攝，大家感情更加好。」

被「出賣」的陳凱琳認為今次的遊戲節目十分難忘，除了是大製作外，事前大家都被蒙在鼓裏，故玩得相當投入：「因為大家太投入，感情上有少少摩擦，喺投票估黑警嘅時候，因為同蔡思貝係好好朋友，大家懷疑對方係黑警，但又唔想擺對方上枱， 所以都幾難受，見佢爆喊，我又跟住喊。」講到要戴牙膠以醜怪樣示人，陳凱琳笑指拍攝時已豁出去，暫時放下形象。

藝人黃翠如早前遠赴泰國拍攝無綫節目《使徒行者 臥底遊戲》， 她指是次體驗非常難忘：「今次遊戲嘅玩法係全新形式，好考驗朋友之間嘅情誼。拍攝一啲都唔輕鬆，大家要鬥智鬥力搵黑警，做黑警嘅藝人心情特別緊張，因為成班人都好投入！」翠如自爆在遊戲中與死黨洪永城出現信心危機，更差點影響友誼：「同洪永城有啲位，我會諗究竟信唔信佢好？有時會因為咁而激嬲對方，但大家都知係遊戲， 唔會真係嬲同擺喺心入面。」另外，翠如昨晚出席腕錶活動，表示想放短假去旅行及學做戲，但否認因演技被批評而進修：「與批評無關，努力係必須。」

而洪永城指公司製作新遊戲相當認真，事前還拍了示範片教大家怎玩：「今次遊戲難玩在大家都識得演戲，對情感控制得好好，要睇啲細微位先估到邊個係黑警！」