可愛教主名不虛傳！楊丞琳攬狗賣萌個個讚

台灣歌手楊丞琳（Rainie）雖然要拍劇，又要籌備嚟緊12月中喺台北小巨蛋嘅個唱，認真忙到甩轆！不過，佢都有不時更新社交網動向，以解粉絲相思之苦。

呢日，Rainie就喺社交網上載多張同愛犬嘅合照，相中見Rainie擺出多個可愛甫士，當中包括嘟嘴賣萌，又深情望住狗狗，其中一張相仲見到Rainie攬到狗狗實一實，當正攬枕一樣，似乎佢真係好掛住佢隻狗喎！難怪Rainie留言表示：「好久沒合照了。」大批網民都留言話Rainie擺咩甫士都一樣咁可愛，「可愛教主」呢個名果然當之無愧呀！