定欣玩密實　施嬅Deep V進軍荷里活

正當個個女藝員都性感出席《TVB金禧晚宴暨2018節目巡禮》之際，視后胡定欣竟然玩密實，莫非「讓賽」？她以紅色樽領長裙上陣，包到冚，而身旁的好姊妹李施嬅則「中門大開」，她以米色宮廷款晚裝Deep V幾乎到肚臍，甫出場即閃爆。

兩姊妹齊齊接受訪問，問胡定欣是否「讓賽」？她說：「唔係！有自知之名啫，班姊妹好犀利！估我頭先同邊個一齊換衫？係同姚子羚一齊換衫呀！不過都係咁啱排後面先一齊換啫！」

至於李施嬅則自言不算很性感：「冇乜嘢呀，唔係刻意，我啱啱喺深圳拍完戲返嚟，趕唔切搵衫，胡杏兒知我尺寸，所以安排咗呢件衫畀我，事前冇睇㗎！（安全？）講落又有啲驚，但都安全嘅！」

為胡說八道會打開美加巿場

談及工作，胡定欣稱下月將拍新劇《包青天》：「好開心可以同好姊妹姚子羚合作，遲啲去大陸拍外景，有姊妹一齊會好啲，因為去橫店都一個半月，又要去新彊十幾日。（擔心安全問題？）唔會，仲好期待，嗰度風景好靚，自己都未必會去！」

曾經憑微電影於美國贏得影后的李施嬅表示，現正洽談一套外地劇。好姊妹胡定欣即插嘴說：「咩呀？荷里活劇呀！」施嬅補充：「係荷李活道！唔係……其實係傾緊套美加劇，希望傾得成啦！」胡定欣說：「希望佢幫個會（胡說八道會）打開美加巿場，搞個女子組合，一齊去美加拍劇啦！」