人氣超強！許芯悅光速吸百萬粉絲睇直播

近年直播apps愈來愈盛行，不少模特兒都有加入玩埋一份，影壇新人許芯悅（Katie）最近更進身香港二百萬主播，成為該平台十大直播主之一。

Katie表示起初只是貪玩貪新鮮，但跟Fans直播傾偈，愈玩愈開心：「玩咗直播差不多兩年，最近就加入現時平台，努力咗個幾月就有依家嘅成績真係好感恩，感激有好多朋友同支持者大力相助參加活動同比賽，最驚喜係有次直播有近一百萬人次睇，有好多人都入嚟同我傾偈講笑，係好新奇嘅體驗！最愉快係喺呢個平台嘅主播們都很友愛，大家會一齊組織活動去玩同聚會，百花齊放嘅世界真係好難得！我通常直播係夜晚九點開始，多數唱歌、傾偈、食嘢、同大家玩IQ題互動，未來我都會繼續喺各平台上開直播，分享更多生活感受、工作嘅經歷同趣事。」