冇人要收據　王菀之扁嘴嗌想試吓撳出嚟

歌手王菀之（Ivana）到中環擔任一日店長，吸引不少途人圍觀。負責收銀的她問客人是否要收據，客人表示不用，她即扁嘴說：「我好想試吓撳張單出嚟。」場面搞笑。受訪時，Ivana坦言這天特別開心：「唔係第一次做店長，自己之前開過Pop Up Store，但今日特別有意思，因為呢度嘅產品支持公平貿易、有機產品、小農同本地小手作。」她自言有試過黑朱古力、咖啡及護膚品等產品，覺得好、知道背後的意義才推介給顧客，所以沒感到困難。問到客人反應如何？她笑說：「好冷靜，因為好多外藉人士，未必認識我，希望大家嚟購物唔係因為呢個活動，而係可以變為習慣，聖誕節、生日同母親節都可以喺度買禮物。（諗咗買咩畀老公Eric做聖誕禮物？）未諗，但係我頭先買咗嘢畀爹哋、媽咪、Eric同自己。」

說到11月9日於尖沙咀舉行音樂分享會，她表示到時會與歌迷一起用靚耳機聽她的歌：「我會現場導賞，要喺網上睇吓大家想聽咩歌，準備歌單，然後準備想分享嘅嘢，例如創作背後嘅故事、歌詞意思，或者混音方面監製Alex做咗咩特別效果。」至於會否出席年尾頒獎禮，Ivana透露未決定，因為尚有時間。