演師傅戲寶《牡丹亭驚夢》 龍劍笙：好難忘
20171105
東網電視
更多新聞短片
粵劇《牡丹亭驚夢》將於12月公演。
粵劇名伶龍劍笙（阿刨）到金鐘出席「龍劍笙：《牡丹亭驚夢》」記者會，與兩位花旦李沛妍及鄭雅琪，演員梁煒康、關凱珊、新娛國際負責人丘亞葵，齊齊接受傳媒訪問，宣布12月起在港演出內容，現場有近半百位粉絲到場支持阿刨再次在香港獻藝！
感謝粉絲長情
記者會上，阿刨在一幅寫有「牡丹亭驚夢」的書法上簽名，又接受粉絲們獻花，祝賀她11月4日生日快樂，以及演出成功，她說：「我心情係開心嘅，多謝粉絲們長情，生日願望希望身體健康，世界和平，大家開心，演出成功！」
合作愈見純熟
提到今次在演出上會否添加新元素，她說：「我一演師傅嘅戲，就唔諗其他，師傅點教我，我就循住風格去做，希望做得好，師傅好多嘢我都好難忘，師傅講過演出自然就得，記熟劇本，人物性格係點，同花旦係點交流，唔需要額外加其他，自然去做就得，不過我自問係望塵莫及！（同李沛妍及鄭雅琪已經合作純熟？）我哋之前合作過，今次係第三度合作，佢哋好聰明用功，進步好多！」
----------------------------
東網巨星開咗ig喇，大家快啲follow啦！