王力宏被女歌迷怒吼：算甚麼男人七年了！

台灣歌手王力宏2013年同李靚蕾結咗婚後，育有兩個可愛寶貝女，一家四口真係好幸福。雖然已為人父，但佢嘅魅力依然有增無減。好似尋日咁，王力宏去咗成都開工，甫出機場就有位相當熱情嘅女粉絲，一見到王力宏出閘就上前大叫：「王力宏你算是甚麼男人，七年了！」

該女粉絲情緒表現得比較激動，現場工作人員連同一班嚟接機嘅粉絲見狀都變得好緊張，粉絲仲邊行邊話要「保護二哥（王力宏）」。正當現場氣氛愈來愈緊張之際，王力宏處變不驚，仲保持住一貫禮貌嘅微笑，表現得相當鎮定，果然經驗豐富，見慣風浪。