胡說八道會探杏兒BB 子羚「表哥眼」重現
20171106
東網電視
更多新聞短片
終於齊人喇！
藝人胡杏兒今日（6日）38歲生日，上個月佢為老公李乘德生咗囝囝Brendan後，就一直喺屋企坐月。咁坐月點過生日好呢？杏兒梗係約埋一班好朋友、咪即係胡說八道會一班成員，好似胡定欣、李施嬅、胡蓓蔚、姚子羚、黃智雯一齊慶祝啦。相信一班成員為咗遷就坐緊月嘅壽星女胡杏兒，就齊齊去咗杏兒屋企慶祝。
生日派對個主題係以睡衣為主題，每位成員都着晒不同類型嘅睡衣出席，仲好大膽咁素顏上陣，其中姚子羚更唔介意以「表哥」小眼睛示人，認真大方！而胡蓓蔚則手抱連一個月都未夠嘅Brendan，仲撳住佢個額頭仔話Brendan教緊佢哋擺甫士。
李施嬅喺社交網上載咗生日會照片，仲留言話：「Happy birthday to偉大媽媽Myolie （胡杏兒）！見到你完全充滿愛，完全付出給BB和身邊的人，有點心痛你的辛苦但是很感動的。今年生日特別有意義，等我哋一齊陪你坐月啦。baby Brendon實在太搞鬼，表情多多，見到一班契媽的坐月妝都冇眼睇。Healthy and beautiful and happy always.#胡說八道會」
另外，睡衣主題原來係杏兒老公諗出嚟，杏兒喺ig多謝老公話：「多謝老公，知道我哩一個月來每日都係著睡衣，所以特別叫胡說八道會全部著曬睡衣嚟比個surprise party我，搞到我又驚喜又感動，又特別買左我最想食嘅salted caramel crepe，thank you hubby，亦多謝Nann安排一個咁爆嘅蛋糕比我，真係多人錫，多謝大家嘅祝福！！」
----------------------------
東網巨星開咗ig喇，大家快啲follow啦！