辛苦啲！米雪演舞台劇照宣傳《溏心3》

藝人米雪、焦媛及高志森出席舞台劇《晚安，媽媽》記者會，席間宣布本月中開始大陸8站共11場巡迴演出。雖然該劇於兩年前曾在本地公演，但為隆重其事，焦媛及米雪於上月起已展開五星期綵排。

首度於大陸演出舞台劇的米雪，對焦媛演出的《金鎖記》非常讚嘆，她謂：「套劇難度高，佢真係太犀利，今次係講精神困擾、抑鬱故事，焦媛綵排嗰時好勁，每次都用真眼淚，我哋拍劇就慳力啲，到埋位先嚟真，邊有咁蠢。」談到綵排進度，米雪指焦媛已熟讀劇本，故不時提點她，更謂：「個角色係要將啲嘢掟來掟去，一路煮嘢食一路講對白，唔可以亂。」

而適逢參演的無綫台慶劇《溏心風暴3》即將播出，幸好米雪早已向監製度期配合宣傳，更謂：「自己辛苦啲，可能做完宣傳就飛咁。」