不知不覺做前輩　陳山聰榮升「秋官」

藝人陳山聰於將軍澳電視城與譚俊彥、胡諾言（胡仔）等為《萬千星輝賀台慶》節目綵排跳舞，今日是首日排舞，台慶當日將會與另外49名男藝人同台演出，陳山聰笑言屆時要面對一班新藝人，自己不知不覺間成為前輩：「我就嚟做秋官（前輩鄭少秋）喇！講笑啫！不過公司有好多唔同演員加入係開心嘅，係一件好事。」

問是否最有跳舞經驗？山聰說：「都唔係，胡仔同我都做咗好多年台慶。今年50周年我覺得幾值得紀念。舊年我冇表演，今年可以一齊玩好開心，因為平時我哋拍劇大家唔同組，見面時候都係台慶呢啲時候。」

他又謂今次不會有高難度動作，因為很難遷就大家的時間。至於會否回家再練習，山聰說：「今日練完返屋企練，暫時OK。（畀另一半睇咗先？）都唔會，佢唔會理我呢啲嘢。佢唔欣賞我舞姿，淨係識喺度笑。」