怕臭?阿田拒絕同吳業坤演咀戲:我會自殺

20171106
東網電視
更多新聞短片
田蕊妮笑言如果同吳業坤咀,自己會自殺!
視后田蕊妮、吳業坤、歐陽震華(Bobby)等出席無綫新劇《誇世代》首播飯局,眾人繼續拿吳業坤拜狐仙之說開玩笑,期間阿田更把當年與陳展鵬拍攝亞視年曆之經典甫士,與吳業坤重演一次,眼見吳業坤高舉格肋底,阿田則站於旁掩鼻,場面爆笑。
再結劇緣的吳業坤及阿田,被問到下次合作可會演情侶?阿田謂:「入行廿幾年,起初都會畀啲前輩撩,慢慢年紀大兼有氣場,都冇乜人敢撩我,但同吳業坤呢,每日開工都調戲我,我有少少覺得娛樂圈變質,所以姐姐受不了要放假。」
吳業坤即以跟Bobby學習來反擊,沒料Bobby冇有怕:「你問心,我30幾年嚟都冇緋聞,你3年來就個個月都有新緋聞,係咪你食死貓㗎?」眼見吳業坤不停標汗,阿田即拿紙巾為他抹汗,但轉頭繼續爆料:「開工成日叫我哋幫佢霸位,仲要幫佢買凍檸茶少甜添!」Bobby與阿田愈講愈興奮,Bobby更踩多腳:「同你第一次合作,唔尊重我冇所謂,但阿田睇住你入行喎!」對於兩位前輩雙劍合壁,吳業坤完全無力招架,只懂抹汗及傻笑。
問到他有否膽量與阿田演情侶?吳業坤表示沒問題,至於咀戲?他竟爆笑地望完阿田嘴唇後謂:「ok,睇嘴型啱唔啱!(唔驚杜汶澤打你?)專業演員嘛!我又唔會非禮佢。」不過阿田卻似乎受不了:「我係專業,但對住佢會不其然唔專業,我驚一陣片場會發生命案,我會自殺或者切腹呀!」
----------------------------
東網巨星開咗ig喇,大家快啲follow啦!