收勁大紮花　胡杏兒生日挨實老公好Sweet

藝人胡杏兒昨日（6日）38歲生日，一班「胡說八道」會好友為佢慶祝生日，但未見老公李乘德影蹤，今日李乘德終於喺社交網上載同太太慶生照片嘞，相中見到胡杏兒手執鮮花，緊緊依偎住老公，台上面仲有四大個生日蛋糕同一大束鮮花，但兒子Brendan則未有出鏡。李乘德仲留言祝老婆大人生日快樂，以英文留言表示「開心、健康，繼續做自己。很開心Brendan和我們一起慶祝這個日子。」而胡杏兒仲留言讚老公喺世界上最好嘅老公。胡杏兒亦有喺自己社交網上載同一張相，仲搞笑咁話：「多謝大家的蛋糕，仔仔可能會問媽媽啲奶點解咁甜嘅？」