老公變MV導演！王菀之勁聽話：佢氣場好勁

歌手王菀之（Ivana）舉行新歌音樂體驗會，她表示雖不算是要聽靚音響的人，但對於音樂質素都好有要求，因為現大部分人都是手機聽歌，會聽不到音樂的細節，所以想透過今次音樂體驗會給歌迷細聽。

問到她老公可是HiFi發燒友？Ivana說：「老公聽音樂好簡約，我同佢聽嘅音樂分兩種，佢除咗聽Band Sound外，就係聽我啲歌，佢playlist係有我啲歌。（好開心？）少少驕傲啦！」可會在家唱歌給老公聽？Ivana笑言：「會有啲害羞，平時屋企練歌都會等老公唔喺屋企先，但有新歌寫到，都會第一時間畀佢聽，佢唔出聲，即係對首歌冇乜感覺，有感覺佢會有畫面畫出嚟，好似新歌老公就做MV導演，我做女主角。（咁你唔會怕醜？）又唔會喎。」夫妻變導演和演員關係有乜感覺？她笑說：「複雜，特別緊張囉！佢好認真同專業，氣場好勁。（聽晒導演話？）都係。（生活上都係？）一時時盡量啦，咁我成日提佢要飲水嘅，嘻嘻，佢都會飲。」