新片將煞科 麥浚龍簽謝安琪係緣分

20171110
東網電視
更多新聞短片
麥浚龍話kay已進入工作模式。

歌手麥浚龍(Juno)出席品牌活動,他笑言最近幾個月也忙於拍攝由他導演的電影《風林火山》,對時間已經沒有概念:「已經拍咗五個月,完成三分二,預計拍多個幾月,12月會拍完。(出年年中上映?)好大機會係,因為仲有後期同好多特技,之前套《殭屍》都做咗一年後期,相信呢套後期唔會比《殭屍》短。(套戲有好多巨星助陣,有難度?)好開心,因為每個演員都好鍾意佢哋個角色,好難得有咁多演員一齊出現,今個月都已經有好多演員殺青。」

另外,提到謝安琪(Kay)已簽約Juno的公司,問到Kay的工作安排,他說:「好順利,所有工作計劃如期安排。(佢幾時復工?)開始揀歌,好期待。(同上次一樣會合唱?)係另一種合作,上次透過一首歌合作,大家有咗個信任同默契,係一個緣分,佢已經進入工作模式。(有傳Kay老公張繼聰唔想佢復出?)大家對所有工作有傾有講。」