佘詩曼激罕甫水着 蛇腰美腿大晒冷
20171112
東網電視
更多新聞短片
嘩！嘩！嘩！
藝人佘詩曼（阿佘）一向工作忙碌，不時要做空中飛人中港兩邊飛，令粉絲都大呼心痛呀！雖然阿佘工作忙碌，不過都會成日喺網上更新動向，好似今日佢就喺社交網罕有地晒出一張水着相！原來佢呢排忙裏偷閒去咗旅行差吓電。
相中雖然睇唔到阿佘嘅正面，但就見到佢大晒誘人嘅背脊，實行做影「後」！阿佘大晒蛇腰同美腿，噴血指數絕對爆晒燈！大批網民都留言大讚阿佘喺沙灘下留倩影簡直係索爆！仲有網民搞笑話嘅美腿同靚股，絕對靚過其電影宣傳海報嗰雙腿呀，阿佘之前受訪時都講過自己嘅body唔會畀海報嗰個女仔差，今次阿佘甫相晒靚股絕對係大反擊，證明自己都有料到呀！
阿佘接受東網電話時，問到會否晒正面泳照？阿佘就話：「正面嗰啲就梗係留番畀自己珍藏啦！」佢仲話：「work hard play hard ，做完嘢就要去玩吓，玩完好快又要去做嘢，因為幾日後又要去拍戲，所以就去玩吓，relax吓。」原來阿佘今次係同好友周家怡一齊去玩，仲搞笑咁話輪流做攝影師！
----------------------------
東網巨星開咗ig喇，大家快啲follow啦！