王菀之自認易氹　收老公畫作最感動

歌手王菀之（Ivana）到跑馬地出席心臟健康活動，坦言對心臟保健非常熟悉，因為媽媽任職健康院護士，數十年來都推廣健康教育。Ivana自言從小就知道不可進食太鹹的食物，並要多喝水和保持開朗。至於可做得到？她說：「應該做到嘅，不過可能有啲壓力隱藏咗，盡量正面啲去諗。有時演出前好多嘢要準備、工作太忙，城市人都好多隱性壓力，以為笑得出就冇事，如果有時好情緒化就要留意吓。」

問到有甚麼會令她心情不好？Ivana笑說：「可能冇嘢都突然好忟。（老公唔執床？）我執嘅，不過如果我好忟，佢都會提我，問我做咩。」她自爆容易氹，對方不用特別做甚麼：「佢一句關心我已經好開心，不過收禮物都開心。（收到咩最開心？）自己整嘅嘢，佢畫畫好叻，我收過最感動係佢嘅畫，又整過迷你雕塑，係我卡通化嘅樣，好開心，擺咗喺鋼琴面。」