激罕三點式！人妻李思欣條腰得24吋
藝人李思欣以六位數字為醫學美容中心擔任代言人，日前思欣為品牌拍攝廣告硬照，除了有晚裝造型外，身為人妻的她更罕有以三點式上陣，大騷美好身段及谷出事業線。說到三點式，思欣笑言結婚後都甚少穿，唯獨是跟老公去旅行，她更笑指老公范振鋒向來有「獨特」的審美眼光。
老公審美眼光獨特
思欣接受東網訪問時謂：「我老公（范振鋒）啲審美眼光向來獨特，係覺得樽領先係最靚，最好全部封到上頸，我依家着衫都好少Deep V，不過今次個客都話係要健康性感，所以着咗件紅色Sharp啲，陽光味重啲嘅三點式，佢哋最鍾意反而係我個酒凹。」問到穿三點式拍攝前有否給老公過目時，她又謂：「冇呀！見到實話唔得，佢都有話嚟睇我拍，我叫佢唔得閒、唔方便就唔好嚟。」
女性妒忌又羨慕
說到要穿三點式影相，問事前要否作準備時，思欣謂表示拍攝前一晚與當日吃少點，講出嚟真係令不少女性妒忌又羨慕！她謂：「其實我都有少少肚腩，以前係TVB啲人話我條腰得22，其實我都有24㗎！可能我啲手腳幼呃到人。」說到現時普遍的醫學美容，她又指自己暫時都不需用，「之前於中心做了激光去斑，對我嚟講已經係突破，因為以前拍《四葉草》後，都不斷出斑，我唔怕曬，但怕有斑。」
抗拒肌肉男
另外，思欣之後會到多倫多擔任選美活動評判，她坦言看女仔第一樣會看眼睛及笑容，跟住就會看身材，笑言自己冇都欣賞吓人哋嘅。問看男人會看哪些部位，她指自己抗拒肌肉男，更謂：「我反而唔介意有少少肉囉！」
----------------------------
東網巨星開咗ig喇，大家快啲follow啦！