曾傳不和送驚喜　衛蘭親邀黎明睇騷

歌手衛蘭（Janice）出席明年紅館演唱會《Oh My Janice World Tour 2018》記者會，獲黎明、雷頌德、李榮浩等歌手拍片祝賀。而早前曾與黎明傳不和嘅衛蘭接受訪問時，她表示事前唔知道黎明會拍片，所以一見到就感到非常感動。問到會否邀請對方睇騷，Janice笑言：「會邀請佢同Mark，我以為佢哋唔想嚟睇，未contact佢，但會親自打畀佢。（請佢做嘉賓？）已經有三個人選喇，但暫時唔講得，因為想留個驚喜畀fans，係好正嘅歌手嚟，有男有女。」提到Janice表示會跳舞，但唔會跳到好似郭富城咁，她直會有好似drama嘅舞蹈。

講明唔會刻意減磅

另外，問到是否需要開始操fit，她坦言今次唔會話要刻意減磅，因為覺得一下子咁減會好傷身，同時亦會好易反彈：「好唔健康會好易仲肥，希望體力應付到三場。（肥與瘦都冇壓力？）冇㗎喇，最瘦嗰時都畀人話肥，索性唔理，最緊要健康，鍾意我唱歌嘅人都唔會介意，到時啲衫靚同唱得好就ok。」

--------------------

東網已全面支援360影片及相片，讓你全方位睇盡新聞大事，恍如置身現場，立即登入東網360網頁： http://on.cc/360/

如仍未更新東網App，請按此連結收睇360影片： https://goo.gl/m9Foio