無綫禁色令 張曦雯話冇人逼到佢
有關無綫發出內部memo,指以後拍劇不應過份賣弄性感,要拍三點式或浸溫泉鏡頭要着t-shirt,強姦、床上戲要意會形式交代。而在節目《3日2夜》中有不少火辣泳衣鏡頭的張曦雯回覆東網指,公司這個安排是對女藝人保護:「係好事,畀多咗保護女藝員,等我哋拍嘢時冇咁大壓力,可以有自主權,可以去選擇我哋自己性感或不需要性感嘅拍攝,唔使受到壓力,可以大膽啲出聲,(你係咪有受過壓力?)咁又冇,因為冇人可以逼到我做唔想做嘅嘢!月尾都去澳洲拍《3日2夜》,我會適當時先着泳衣,但有啲水上活動,冇理由唔着泳衣,而我向來都唔賣弄,公司出呢個通知,好好呀,令到我可以更放心,着啱場合嘅衫出鏡。(今次澳洲多水上活動?)當地旅遊發展局安排,我睇到係少水上嘢,多數係大自然參觀﹑食嘢,有個潛水,會着潛水衣囉!又唔會係為呢個memo而改變拍攝。」
----------------------------
東網巨星開咗ig喇,大家快啲follow啦!