擁有33C上圍的陳庭欣（Toby）對於無綫出內部通告要求劇集不應過分賣弄性感，她表示今個星期播出的節目《3日2夜》未受影響：「之前拍咗，都係正常健康咁去沙灘或水上酒吧時着泳裝。至於拍攝時唔好太過賣弄女性身材，呢啲交番畀幕後同事。」

Toby又感謝公司尊重女藝人：「我都會尊重公司新指引。最開心就係其中一項到外地拍攝要安排女同事，呢個好好同埋安心。呢個係咁多項最感到高興。」