原來收番數!孫慧雪:10月尾已經找咗
藝人孫慧雪今年七月生咗愛兒「小饅頭」Riley後就專心湊仔,間唔中就會出席吓活動,生活都幾寫意。不過孫慧雪尋日就喺社交網爆出有公司拖欠佢嘅酬勞,個工作仲係喺佢懷孕期間完成咗,到依家個仔都四個月大仲未收到數,直指無良。
事件爆出後,孫慧雪今日再更新社交網,表示已經收到數嘞,原來係啲公司都畀人拖數先搞成咁,孫慧雪話:「Sorry,原來佢哋都被人拖數,同埋10月尾已經找咗數啦!多謝大家咁幫我!今日突然收返好多數啦。」孫慧雪仲上載咗有關客戶向佢致歉嘅訊息對話截圖解釋返件事。網友話既嘅收番條數,大家開開心心就好啦!
----------------------------
東網巨星開咗ig喇,大家快啲follow啦!