同樣是國藝旗下藝人的周嘉莉，她亦戥老闆冼國林開心：「係啊，我尋晚知道呢個消息真係好開心，證明公司影視業務規模愈做愈大，而且早前我哋部電影《我們的6E班》喺馬來西亞電影展都獲得提名，已經係對公司作品一個肯定，呢家更有荷里活巨星同我哋公司合作，十分期待將來師傅投資的電影，打入荷里活市場，為香港電影爭光！（同荷里活明星合作開心？）如果自己可以同到愛迪梅菲合作就真係光宗耀祖啦！不過自知係影壇界屬初哥，所以將來真係有幸參與荷里活電影，我唔介意由低學起，幕前幕後任何崗位都可以，做助手都得㗎！」