藝人莊思敏出席電影首映禮，提到無綫向藝人發出「禁色令」，她表示新條例只是保障女藝人：「唔係唔畀性感，係唔鼓吹性感，唔通台慶時着恤衫咩！」她表示台慶的衣着都會是性感，問到會否因新條例而修改衣着，她說：「唔會，因為贊助商上個月幫我喺美國訂咗。好少事啫！影嗰時唔好注視喺個胸度就得。」

莊思敏又指其中一條要有女同事陪出埠拍劇的條例，可免除工作時整衫set咪的尷尬情況，問到有否試過沒有人跟，她說：「我之前做模特兒都慣喺人前換衫，冇試過有公司同事令我唔舒服嘅眼光。」她又指如果女藝人拍攝時不想性感，可以向公司提出，公司亦不會逼她們。