好怪＋抽象！王菀之想不計成本出原創碟

歌手王菀之（Ivana）接受電台訪問宣傳新歌《忘記有時》，講到MV由她第二次執導，她坦言有壓力：「因為今次係拍人，所以今次係着重講故事多於美感，但好彩我有拍戲，知道演員點同人溝通，所以都拍到我需要嘅shot。」而講到她想推出一張不計成本的專輯，她表示：「係個夢想，對自己音樂有交代，係送畀自己嘅專輯，會係一啲跟隨我血管流動嘅旋律，可能會好怪、抽象，但我都想記錄。（依家開始做？）未，要搵一個同自己完全唔同嘅生活空間先做到，但又要做其他工作，所以好似好難，同埋我想隻專輯係不分語言，可能咩國家嘅文都有幾句。」她亦提到現時有構思電影故事，希望可以拍到一套原創電影。