Yoon A搏到盡：有好劇本做乜都得
韓國女團少女時代成員Yoon A向來深受時裝品牌歡迎，日前她應邀來港出席Salvatore Ferragamo旗艦店重開揭幕禮及接受獨家訪問。被選為「亞洲女神」的Yoon A，她對於稱號非常受落，她笑言﹕「我覺得好好，好鍾意。」Yoon A入行十年，既是歌手又是演員及主持的她，問到最想挑戰甚麼新角色或者工作時，她坦言不挑角色只挑劇本﹕「我唔會諗有咩角色想做，只視乎劇本，如果係有好劇本，覺得有趣的話，任何角色都可以做，現正挑選不同劇本，希望盡快選到與觀眾見面。」對於會否想開拓新領域﹖她謂自己各方面未能做到十全十美，希望做好本份先。
眾所周知Yoon A說得一口流利國語，曾演出過大陸劇《武神趙子龍》又公開獻唱過《小幸運》等國語歌，發音標準得令人驚訝，Yoon A解釋中學開始就無間斷，看中國電影、電視劇同聽國語歌學。Yoon A精通韓、中、日及英語，不過，卻被廣東話考起：「廣東話真係好難，我有睇過香港電影，透過電影聽過廣東話，自己由細到大都係學普通話所以對普通話有信心啲，如果有機會都想學少少廣東話。」
談到衣着心得，Yoon A認為選擇衣服最重要是跟自己的年齡及身形相襯，她又分享小貼士﹕「冬天嘅話，要保暖得來又要靚，所以要花多啲心思喺大褸同毛衣上面，夏天不妨挑選一啲顏色鮮艷嘅衫，睇落會精神少少。」Yoon A還參觀了品牌全新裝潢的旗艦店，自言被色彩琳琅滿目的鞋履迷住，她說：「見到咁多顏色好開心，而且鞋踭唔算好高，感覺好舒服。」