羨慕6號買樓　C君想供奉肥媽：好過契觀音

肥媽與黑妹李麗霞在伊館舉行尾場演唱會，獲葉童夫婦、泰迪羅賓、張學潤等人到場支持。唱出《要爭取快樂》前，有觀眾向肥媽送花，她即謂折現好過，之後無綫藝人王俊棠即刻畀利是她，她將利是攝在心口，笑言：「親生仔都不如近身錢。」

接着農夫出場大放笑彈，陸永謂常常被人認錯做陸浩明（6號）：「啲人見到我就問阿媽喺邊，當鄭裕玲死㗎！」肥媽就謂：「咁如果鄭裕玲嘅身材同我嘅身材比，啲人係認得我多啲。」C君亦謂剛才肥媽在後台招呼嘉賓：「握完手之後我隻手係多咗舊現金。」肥媽笑言：「做嘉賓畀番車馬費你哋，我冇利是封，雖然你哋咁嘅樣，但我都睇得出化咗少少妝嘅。」之後陸永又講番啲人認錯他是6號：「尋晚6號話畀人叫陸永嬲，大家睇清楚，究竟係我定佢值得嬲啲？」抵死的C君笑言：「似乎真係佢嘅。」陸永笑言：「以後你哋叫我6號我會直接行過，返去同人講6號好寸㗎。」他又謂6號契了肥媽後發達買樓，笑言契肥媽好過契觀音，C君笑言在家都是供奉肥媽。接着C君讚肥媽好氣：「使乜攞咪，支咪吊到上去都得，熄咗咪都咁大聲。」肥媽笑言因為仔女多，要成日叫啲仔女返歸食飯先練到咁好氣，抵死的陸永笑言：「怪唔得頭先喺更衣室見到你先生佢唔係好聽到嘢。」C君又笑言：「見佢依家隻耳仲係流緊血。」令人爆笑。

而今晚繼續有喬寶寶、李天翔、羅敏莊等人做嘉賓，其中羅敏莊出場時，表示上星期去街市買餸，有個菜檔同佢講：「我啲菜好勁㗎，係『敖嘉年』，原來佢係想講Organic！」之後囡囡陳禛出場，之前一場陳禛失聲，但今場把聲好番，故Solo唱出了一段《三人行》，十分淡定，黑妹還透露陳禎錄了歌遲些會出碟，接着她們合唱《We like HK》，陳禛則跳跳紮伴舞。然後肥媽和黑妹落台與大家握手兼收利是，Encore環節唱了《南屏晚鐘》及《友誼之光》後，演唱會圓滿結束。

----------------------------

東網巨星開咗ig喇，大家快啲follow啦！

https://goo.gl/KGuo2N