為教仔女出盡法寶　余思敏報讀兒童心理課程

前主播余思敏到黃埔出席電影首映禮，問到為何未有帶同子女同行，她謂小朋友明日要上學：「星期日我通常安排佢唔好咁多活動，要收拾心情。（有冇扭計要出街？）會呀！依家細仔會問去邊，都要搞15至20分鐘，有時都要搞好耐。」她表示大女已讀小學一年班，自己亦有讀兒童情緒心理課程：「我都要控制情緒，因為好多時同小朋友好多角力，會傷感情。同埋希望佢學校有事發生都可以返嚟話畀我哋聽。」

對於近日有校園欺凌事件，余思敏坦言有關注事件，看到報道都心痛：「被欺負嗰個好慘，但欺負人嗰個都需要關注。（叫仔女如遭欺凌要同你哋講？）係呀！我就係要佢哋要講。佢哋都有一個小小嘅社交圈子，我就係因為呢個原因去讀書，佢哋遇到問題都可以幫到。我會叫佢哋遇到事情要直接講出嚟先，我個女比較靜啲，所以我一定教佢勇於表達自己先，一定要保護咗自己先。」