今日係無綫台慶50周年大日子，喺台慶前夕突然推出「限奶令」，以為今晚冇好「波」啦！實情原來唔係咁，仲要驚喜一浪接一浪呀！繼邵珮詩「怒」騷真空八字波後，其實都仲有好多滄海遺「波」，好似劉佩玥、黃心穎同岑麗香（香香）咁，而最令人驚喜就係不嬲都好純嘅單文柔，都露埋一份，唔知陳展鵬吃唔吃得消呢？

講番劉佩玥，佢就一襲白色連身裙似着婚紗咁，冇多餘裝飾，胸前估計係真空，一樣騷八字波。而香香都一樣好靚，成身羽毛好似仙女一樣，對面海都feel到佢啲仙氣，不過就略嫌瘦咗少少。黃心穎就大玩若隱若現嘅透視裝，將佢玲瓏浮凸嘅曲線表露無遺，馬國明真的有福了！最後單文柔都罕有地晒吓事業線，估唔到佢都幾有料！