床戲連連 黃翠如呻黃宗澤好難「食」

20171121
東網電視
更多新聞短片
黃宗澤認真有艷福,同盈盈拍床戲。
無綫劇集《溏心風暴3》演員李司棋、夏雨、米雪、關菊英、黃宗澤、王浩信、岑麗香、黃翠如、陳敏之、阮兆祥、唐文龍、黃智賢、陳智燊、鄭希怡、楊柳青等在康山宣傳新劇。黃宗澤一人拖九位美女出場,劇中更艷福無邊。黃宗澤笑謂拍攝時其實很大壓力,因當中大部分不是人妻就是阿嫂,其他更不熟稔,好似港姐馮盈盈未見過面就要拍攝親熱戲,反而與黃翠如拍親熱戲沒壓力,大家是朋友,不會尷尬。
問到黃宗澤與黃翠如劇中的親熱程度?她笑說:「全部都係我做主動,所以佢冇壓力,我有壓力。」黃宗澤笑說:「最尾十幾集佢係咁嗒我,都有啲咀戲嘅。」翠如續說:「佢好難嗒,因為劇中好抗拒我。」
講到無綫近日發出的「限奶令」對劇集可有影響?黃宗澤笑說:「我啱啱先喺到內地返香港,唔清楚,咁台慶咪要停播?男藝人列唔列入「限奶令」?劇裏面不斷除衫,不過我係胸唔係奶。(有冇露股鏡頭?)冇,因我個股仲未夠班。」