望物業遍布全世界　李彩華打算買泰國樓

藝人李彩華（Rain）出席髮型活動，她稱現場不少內地人都中因為當年她拍了一個內地劇《回家的誘惑》，至今仍然未有忘記，而下個月她亦會返內地拍廣告。講到內地酬勞高，問是否又可以再置業？Rain坦言：「希望啦！依家香港樓好貴。（去其他國家置業？）早年都喺英國買咗，有打算買泰國樓，但都係買樓花，兩、三年有樓收，因為媽咪都鍾意泰國，尤其香港冬天凍佢氣管唔好就咳，但去到泰國一落機就冇事。」

英國買舖

問到是否希望物業遍布全世界？Rain說：「我都希望每個地方有啲，因租酒店咁貴，當地有屋可以去度假。（日本都有物業？）日本屋企人唔係咁鍾意，所以冇買。澳洲之前都有朋友買咗，但自己又好少飛去澳洲玩，所以都係鍾意英國多啲，將來有小朋友都想佢哋喺英國讀書。（買咗好多？）喺當地買舖多啲！」

對生活感恩

Rain坦言對現在生活很感恩，因她屋企曾經欠債，事業亦又過低潮，從沒想過會有今天呢，所以她現在能夠幫到人都想幫，去內地建教堂及學校。她又謂對柬埔寨都有興趣，有機會都會去買磚頭，始終收租好過收息。