10歲生日！Celine七情上面唱《美女與野獸》

有香港「小巨肺」之稱嘅譚芷昀（Celine）早前參加美國才藝節目《全美一叮》而人氣依然強勁。尋日（22日）就係Celine妹妹10歲生日，佢喺社交網上載咗一段唱出電影《美女與野獸》（Beauty and the Beast）同名主題曲嘅影片，當中見佢着住條公主裙拍MV，製作同佢嘅演出同樣認真，Celine仲唱到七情上面相當投入。

原來Celine同妹妹Dion都係同一日生日，Celine留言話希望同妹妹一齊成長，變得愈來愈漂亮，不止外在美最重要是內心美麗。另外，Celine仲上載咗同一班同學喺班房內合照，有咁多同學陪佢慶祝生日，難怪Celine笑得咁開心啦！