【獨家】黃智雯魔性大發：鍾意勾引男人
無綫熱播劇集《降魔的》口碑不錯，觀眾大讚馬國明演的士佬入型入格，黃智雯再演醫生，外表斯文，其實精彩畫面陸續有來。
吊威吔盆骨痛
在劇集後段智雯會成魔，改穿短裙、踩七吋高踭鞋吊威吔，半空中飛來飛去又有打戲，她直言起初會不習慣：「試過吊足六個鐘，由半夜吊到天光，加上要着好高嘅高踭鞋，飛到落地仲要好型咁企定！（有受傷？）撞瘀少不免，起初係好唔習慣，盆骨位係吊威吔嗰陣夾到好痛！」
化身女魔的智雯，雖然着短裙上陣，造型卻不太性感，她說以眼神電死人：「可能我有跳舞底子，懂得用眼神去勾引人，我幾鍾意呢種勾引、挑逗男人嘅感覺！」談到現實生活，她的好姊妹胡杏兒已為人母、胡定欣在事業上更上一層樓，她可會羨慕二人？智雯說：「唔係羨慕，係好替佢哋開心，我又冇計劃結婚，呢個係個長遠嘅計劃，即使見到杏兒個BB，都冇衝動想去結婚同生仔，玩人哋個BB先啦！」
為胡定欣落淚
至於定欣的成就，智雯直言大家只是見到定欣擁有的成果，忽略了她努力的過程：「佢用過來人身份同我傾，有次我出活動，佢Cap低咗啲報道Send畀我，同我講叫我唔好重複着同一件衫，叫我有需要啲咩衫可以同佢講，嗰陣我真係喊咗出嚟，好感動佢為我嘅事而操心！」
化妝：Phoebe Yung@Phoebe Y Image
服裝：Max & Co
----------------------------
東網巨星開咗ig喇，大家快啲follow啦！