【男女通殺？】吳業坤亂叫男人做「bb」

藝人吳業坤（坤坤）之前經常打錯字而成為笑話，繼「食好西」、「wifi蛋」打錯成「wife蛋」、「好想釣（約）人食飯」、「有冇啲停車場係免費或者女（好）平㗎？」後，坤坤於社交網站上載WhatsApp對話截圖，佢自爆想打感嘆號時，誤打成「bb」，之後對方都未回應，佢就瘋狂轟炸對方並解釋唔係想講「bb」，再次「手誤」嘅佢都忍唔住自嘲係「打錯字系列」。但「bb」係情侶之間嘅甜蜜稱呼，坤哥就喺Hashtag笑言：「仲要同個男人講」。不過有網民就話感嘆號同「b」字其實好難撳得錯，話坤坤嘅解釋有啲牽強喎！