同一日結婚周年紀念　圓圓菀之畀老公錫到燶

「宇宙最強」甄子丹太太汪詩詩的妹妹汪圓圓，今日喺社交網表示與老公蔡加讚結婚四周年紀念，仲收到老公一份大禮物，就係一個由玫瑰花整成嘅大啤啤熊，真係超得意、超有心意呀，好多網民都話好羨慕佢搵到個咁好嘅老公，超有愛呀。

另外，藝人王菀之與設計師蘇卓航（Eric So）2015年結婚，正式成為人妻。今日佢喺社交網透露今日係佢哋兩個結婚兩周年嘅大日子，佢上載咗張同老公嘅合照，Eric仲高舉勝利手勢，而王菀之則留言「佢哋兩年前今日拉埋咗隻窗。」最搞笑係佢哋背後有五隻猴子做背景。