靚女大晒咩！馮盈盈最高峰收11個兵
20171129
東網電視
更多新聞短片
你玩晒啦！
「窈窕淑女，君子好逑。」靚女多人吼，這是常識吧！之不過做得女神，質素有番咁上下！想追到女神，一啲都唔容易，要花時間、金錢同心機，但追唔到都唔緊要，皆因一眾女神好慈悲，就算唔啱Key都畀追求者留喺身邊，畀你「服兵役」！兵仔任勞任怨，在所不辭！
貴為2016年香港小姐冠軍嘅馮盈盈就好有同感，皆因佢手握「兵權」，桃花多到數都數唔晒！無綫節目《#後生仔傾吓偈》新一集大談收兵話題，主持人陸浩明直問馮盈盈喺單身時期最高峰有幾多個兵仔，答案係11個，認真異性緣旺盛。咁又難怪嘅，馮盈盈未參選港姐前，已經憑出眾靚樣升呢做網上女神，仲被封為「港大校花」，可想而知魅力沒法擋，收11個兵仔濕濕碎啦！有網民仲質疑馮盈盈講大話，笑言佢咁索冇可能收咁少兵，睇嚟要為盈盈娘娘「服兵役」都幾高門檻。
同兵仔食飯食到攰
隨後馮盈盈亦喺節目中為自己護航，表示當呢11位男士係朋友：「我真係當佢哋唔係兵，係朋友嚟！」馮盈盈又話一段關係需要去經營，所以當時會輪流同「朋友」食飯互相了解，仲呻爆話成日出街好攰，數一數手指平均1日要同2個「朋友」去食飯，又真係幾辛苦嘅！
女神做過兵 有理說不清
最爆嘅係原來馮盈盈都做過兵，佢自爆喺大學Year 1時暗戀過一個師兄，當時主動聊對方傾偈同約食飯，點知之後突然收「好人卡」而倒追失敗，真係估佢唔到！
網民有話兒
DicXXXee：兵，全部都係兵。
XXrakranHXX：咁索先得11個兵仔咁少？
XXXnChiChan：每個娘娘都話當兵仔係朋友，搞到啲兵仔有假希望。
WilliamCheXXX：條女很清楚收兵好過嫁人......
----------------------------
東網巨星開咗ig喇，大家快啲follow啦！