被KB活捉舔臉　周秀娜「胸」狠反擊

女神周秀娜（Chrissie）在新戲中飾演「被二奶」的巴渣女飛賊，不但與鄧麗欣（Stephy）及樂基兒（Gaile）有連場槍戰，更慘被李健宏（KB）追姦！戲中有精神問題的KB，便向Chrissie和Stephy狂言：「一分鐘後我要嚟姦殺你哋！」之後身穿低胸裝的Chrissie更不小心地被KB活捉兼舔臉，露出痛苦表情，好在「大婆」Stephy立即營救，Chrissie甩身從後夾實KB，貼身打鬥。Chrissie指經過今次之後同Stephy成了「生死之交」：「間屋環境好差又窄，成日都有老鼠經過，我同Stephy要喺呢個地方拍咁長時間真係度患難㗎！」

拍攝電影時值夏天，但Chrissie卻要一直身穿皮草，只因導演想營造經典電影《英雄本色》的感覺：「當初我一睇劇本就好鍾意呢個故事，加上導演話會拍到我好似發哥（周潤發）喺《英雄本色》中咁有型，所以就立即答應拍攝。但冇諗到會喺夏天着皮草，好記得有一場喺天台同Stephy對戲，Cut機後一除件皮草係成件都濕晒！」她又笑指自己性格「麻甩」，感謝導演讓她飾演一個「變態」角色，滿足其「男人」一面。