明明做男一 吳業坤被昆向監製爆Seed

20171202
東網電視
更多新聞短片
係囉~點解唔係男一呢?
近日熱播嘅台慶劇《誇世代》,歌手吳業坤都有份演出,飾演「包豹」嘅佢,個靈魂同歐陽震華交換咗,所以劇集「包豹」雖然有出現,但都只係見到歐陽震華嗰樣,而吳業坤個樣只係透過倒映同鏡等等出現,講對白嗰陣仲要係歐陽震華把聲!
唔知係咪咁樣,令到吳業坤有少少唔高興,呢日無綫官方社交網站《See See TVB》上載一條絕密片段,片中見吳業坤一個人咁去監製間房,個樣仲要唔多不滿咁話:「監製,你依家係咪玩我呀?」原來吳業坤今次係去投訴監製,話監製明明同佢講係做男一,佢一心諗住套劇又有歐陽震華同田蕊妮呢啲勁人,可以有得發揮,點知去到依家都係喺倒映出現,令到吳業坤嬲爆爆!
冇乜點見樣都算啦,入面吳業坤講對白都係靠歐陽震華咪嘴,吳業坤話:「作為一個歌手,要咪嘴唱歌係一件好樣衰嘅事,點知講對白都要咪嘴!」搞到吳業坤話落街畀保安話佢輕輕鬆鬆有錢賺,令吳業坤覺得係一個恥辱!講到呢度,吳業坤愈講愈激動,連後面播片尾都投訴埋,皆因片尾終於都播佢嘅演出,但係佢話:「咁你叫啲人睇roller定睇我嘅演繹,咁多名出嚟?你知唔知最慘係乜嘢,下面有sponsor出嚟,佢一隻中文字仲大過我個頭!」講完呢堆嘢之後,監製安慰吳業坤話其實觀眾係睇到佢嘅演出,係會欣賞到佢,聽完之後雖然吳業坤好似唔多認同,但都話信埋監製呢一次!唔少網友都話安慰吳業坤,話會支持佢咁話!
網民熱話:
xxye xxye:阿爆呢刻要"爆"喇!
Jxxet Mxxw:好彩我觀察力夠強!集集都搵到你!
Iris Sxxxlue:你鬧得好爽呀!
Wixxr Cxxn:我有睇你演繹!
----------------------------
東網巨星開咗ig喇,大家快啲follow啦!