陳柏宇紅館處男騷　晒麒麟臂冧粉絲

歌手陳柏宇（Jason）一連兩場紅館演唱會開鑼，太太Leanne、周柏豪、連詩雅、Tim@Dear Jane及陳詠謙等捧場，全場爆滿。演唱會於8時45分開始，染了藍髮的Jason身穿黑色西裝，頭戴羽毛帽在高台現身，以《霸氣情歌》打開序幕。螢幕播出由林海峰（Jan）做旁白的短片，片中是Jason小時候的相片和片段，Jan說：「唔好睇佢又傻又插人眼，其實佢細細個就畀舅父影到佢周街小便，仲教唆人周街小便，不過佢都知等緊女神嘅出現。」然後片中出現Leanne的兒時照片和二人合照，十足十婚宴的成長片段！

Jason換上銀色褸和V領衫，隱約見到胸肌，與舞蹈員又跳又唱，非常落力！他與觀眾打招呼，表示想玩多些互動，與觀眾大玩Kiss Cam：「畀個機會你識朋友，拉近距離，唔一定要錫嘴，我都成日錫我啲親戚。」之後他除下外套，大騷麒麟臂，粉絲即瘋狂尖叫！

----------------------------

東網巨星開咗ig喇，大家快啲follow啦！