開騷似做鴨？陳柏宇台上做Sit Up谷爆肌
20171203
東網電視
更多新聞短片
唔除衫唔知，Jason係大隻喎！
歌手陳柏宇（Jason）於紅館舉行演唱會，一頭紅髮及牛仔衣着現身的他，與一眾樂手自彈自唱。嘉賓鄭伊健出場，二人合唱《動地驚天愛戀過》。Jason指伊健是其兒時偶像，不過對方到現在仍然比自己後生和靚仔：「我以前剪過伊健頭，但去到邊都畀人叫姐姐或者妹妹，原來唔夠靚仔或者身高係唔可以留長頭髮。」他多謝伊健完成他與偶像唱歌的心願，伊健就讚Jason一出場的髮型像漫畫《火影忍者》中的佐助，又指他們曾經屬於同一唱片公司，很開心見到以前的同事，然後就獨唱《發現》。
長期備戰壓力大
上身僅穿黑褸的Jason再次上台，觀眾不停大叫「除衫」，他搞笑說要做準備，就即場做仰卧起坐：「唔好覺得自己似做鴨，跳脫衣舞都係一種職業！」他把黑褸除下，但10秒後就穿回，笑言：「除咗喇！」期後他自爆壓力很大，認為無論唱歌給多少人聽都一樣開心，但歌迷為自己上紅館等了很多年，所以他很想做得好：「我瞓唔着，一合埋眼就諗起歌詞、跳舞、彈Chord同講乜，長期處於諗緊嘢嘅狀態。」
終極騷肌眼濕濕
提到多年前唱《固執》時發燒和喉嚨痛，他指首段副歌已經走音：「我個靚女同事大叫加油，我幾想喊！於是更加努力唱，點知仲衰！但我知道一句簡單嘅『加油』可以畀人好多鼓勵。」未知是否知道粉絲唔夠喉，Jason唱到《車匙》就主動除褸，大晒一身肌肉和背上紋身，粉絲再次瘋狂尖叫！Encore時，他手執貓紙唱出新歌《Baby Don't Cry》，坦言為這個騷已記了幾萬字，更一度唱至眼濕濕，最後演唱會於11時22分圓滿結束。
----------------------------
東網巨星開咗ig喇，大家快啲follow啦！