堅告別Rey？黛絲自爆拍完《星戰9》完約

25歲英國女星黛絲烈尼（Daisy Ridley）前年擔正《星球大戰：原力覺醒》（Star Wars： The Force Awakens，簡稱《星戰7》）演「Rey」一角爆紅，跟手拍攝的續集《星球大戰：最後的絕地武士》（Star Wars：The Last Jedi，簡稱《星戰8》）亦將上映，以為她將變成星戰系列電影固定班底，好似「漢蘇奴」、「天行者」與「莉亞公主」等要角長流不息？非也，她近日於訪問中自爆只簽下三部星戰片約，拍埋《星球大戰9》就收工！

黛絲於訪問中表示：「我真係好興奮去拍第三集，圓滿晒所有嘢，因為我就係簽咗三部片約，於我腦海中，就係三部曲。」講來將來會否回歸再演「Rey」時，黛絲就大賣關子，未知她將來會否似「福伯」夏里遜福（Harrison Ford）及「天行者」麥咸美（Mark Hamill）等回歸？此外，黛絲為《星戰8》訓練的影片日前曝光，當中不乏她狂耍劍的場面，似乎為耍好光劍下不少苦功。