張敬軒摩打手烚肥牛挑機 霆鋒反應係？
20171203
東網電視
更多新聞短片
講Chok一定唔夠霆鋒（右圖）嚟…
型男謝霆鋒（Chef Nic）早前去咗澳門同六位國際名廚參加米芝蓮晚宴，期間Chef Nic即席大晒功架，炮製「玫瑰泡芙及荔枝啫喱」同「玫瑰花瓣及香芹籽麵包條」。當日Chef Nic以一身《大帥哥》造型現身，再加上一個招牌Chok樣，未顯真功夫就已經率先型震四方。到整甜品時，佢就出盡力狂唧朱古力，一雙摩打手冇停過令唔少人嘖嘖稱奇，過程更被拍成短片於網上瘋傳！
摩打手打邊爐
影片一出，網民反應熱烈。繼影帝黃秋生模仿Chef Nic嘅英姿拍咗個摩打手化妝版後，依家就連「降兩度」張敬軒亦加入挑機。呢日佢喺Instagram上載同鍾舒漫（Sherman）打邊爐嘅影片，片中軒仔揸住兩枝筷子烚肥牛，之後更摩打手不停攪啲肥牛，而佢肩上嘅兩個麵隨住身體郁動就係咁揈呀揈。攪完一輪後，軒仔就Chok住嚟個華麗轉身，跟住就順手將肩上嘅麵拋埋落個鍋度…
為拍片隊四碗麵
軒仔抵死留言：「南亞人氣組合 鍾舒漫 ＠chungshersher X 弓長苟攵車干 #特別獻禮 #深夜邊爐之 #十二道UP味 #肥牛生麵米痴蓮 #第一個喺公海po嘅post #chef #星夢郵輪 #世界夢號 #特別鳴謝為咗拍呢段嘢同我一齊隊咗四碗生麵嘅鍾舒漫同林欣彤 #我哋有食返（番）㗎? #lowcostcosplay #我全程咬住條脷忍笑 #其實對面好多人幫手打燈 #生麵王? #咩味 #癲夠味 #仲有 #鋒味 #chokonicchallenge」
霆鋒建議配埋樂
甫完條片後，軒仔話驚Chef Nic會嬲嬲豬，於是就send定條片畀佢睇備案先。軒仔再留言：「#生麵王2.0? 話說我驚鋒師兄嬲嬲，諗諗下（吓）都係send條片俾（畀）佢報定案先，點知佢第一句問我點解唔配樂？好，我九秒九即配！各位朋友，請將音量收細……#識睇一定係睇sherman啲表情 ?#鋒味 #chokonicchallenge #下一位有請 ＠chungshersher」原來軒仔揀咗一段粵曲做配樂，配埋佢個攪肥牛節奏，成件事真係零遺和感…網民表示：「黐線！！！！笑死我了，配埋大龍鳳音樂好正❤」
----------------------------
東網巨星開咗ig喇，大家快啲follow啦！