拍拖五年！柯佳嬿謝坤達晒戒指宣布結婚
20171203
東網電視
更多新聞短片
恭喜！恭喜！
台灣女星柯佳嬿與男友謝坤達拍拖多年，二人不時喺社交網站大放閃光彈，睇到一班網民都話要帶番副黑超呀！佢哋兩個之前都有透露有結婚嘅打算，不過礙於二人工作忙碌，一直都未正式實行。
不過今日柯佳嬿同謝坤達分別喺社交網站騷出結婚戒指，並宣布已經正式結為夫妻。榮升謝太嘅柯佳嬿話好多謝老公嘅包容同照顧：「登記完成！是丈夫跟妻子啦：）五年多，一起經歷了很多時刻，很多狀態，謝謝你的包容和照顧，今後也請多多指教噢。#12月3日 #去年的今天我說好。」
另一邊廂，謝坤達亦都表示柯佳嬿已經係佢嘅人：「各位觀眾～就是今天！謝謝大家！從今以後你就是我的人了～哈哈哈＠柯佳嬿。登記成就達成，去年的今天妳說好。人夫日記第一天，終於同框照。」一班網民都話佢哋兩個襯到絕，仲紛紛為二人送上祝福添！
----------------------------
東網巨星開咗ig喇，大家快啲follow啦！