懶理犯太歲！周柏豪揸賽車完成夢想
20171203
東網電視
更多新聞短片
揸賽車係唔少男仔細個嘅夢想。
歌手周柏豪出席Formula E活動，並試玩電動方程式賽車，他大呼夢想成真：「係人生一個好正嘅經驗，發夢都冇諗過有咁嘅機會，可以喺香港嘅街上面玩賽車，好好玩！玩咗兩轉，細個玩賽車遊戲就玩得多。（細個有冇諗住做賽車手？）細個乜都諗過，揸飛機、玩機械人，賽車係近幾年先開始接觸，我有時都會同班朋友去珠海練車。（太太會唔會好擔心你？）永遠出門口都會叫我小心啲，我會講玩啫，係拍攝。我自己好節制，我玩乜都好節制。（有冇幫你求符保平安？）因為我犯太歲，年頭已經有符放咗喺銀包，信唔信係一回事，最重要係互相尊重。太太又畀我玩，都係求個安心。」
撞到防撞欄
柏豪又表示：「其實頭先都係少少碰撞，因為我想挑戰自己極限，喺轉第三個彎嘅時候，撞到個防撞欄，好在冇撞爛人哋架車，冇阻住條賽道，可以自己揸車返到嚟做訪問，唔使人哋車我返嚟。賽車手永遠都話，要自己揸架車回來，唔好畀人車返嚟。」
----------------------------
東網巨星開咗ig喇，大家快啲follow啦！